சமைத்ததை சாப்பிடும் முறைகள்

பல பதிவர்கள் குறிப்பாக பெண் பதிவர்கள் சமையல் குறிப்புகளைப் பற்றி எழுதுகிறார்கள். அவை சமையல் தெரியாத ஆண்களுக்கு மிகவும் உபயோகமாக இருக்கின்றன என்பது உண்மைதான். ஆனானப்பட்ட ஜெய்லானியே வெந்நீர் வைப்பது எப்படி? என்று ஒரு பதிவு இட்டிருக்கிறார்.

ஆனால் ஒருவராவது இப்படி சமையல் செய்த பிறகு, அதைச் சாப்பிடுவது எப்படி என்று ஒரு பதிவாவது போட்டிருக்கிறார்களா என்றால் இதுவரை இல்லை. ஏன் என்றால் அப்படி அந்தக் குறிப்புகளை வைத்து செய்யப்படும் பண்டங்கள், படம் எடுக்க மட்டும்தானே தவிர அதைச் சாப்பிடச் சொல்ல அவர்களுக்குத் துணிவு இல்லை. (அவை சாப்பிட லாயக்கில்லை என்று நான் என் வாயால்/பேனாவால் சொல்லமாட்டேன்). இது பதிவுலகிற்கு ஒரு களங்கம்.  

அந்தக் களங்கத்தைத் துடைக்க என்னாலான முயற்சிகளை மேற்கொள்ளுகிறேன். முதலில் கொங்கு நாட்டு ஸ்பெஷல் ஸ்வீட்டுடன் ஆரம்பிக்கிறேன். அவ்வப்போது மற்ற ஸ்பெஷல் ஐட்டங்களைப்பற்றி பதிவிடுகிறேன். (முக்கியமான குறிப்பு: இந்த ஐட்டங்களில் எதுவும் தங்க்ஸ்கள் செய்ததாக இருக்கக் கூடாது. அம்மாமார்களோ அல்லது நல்ல சமையல்காரரோ செய்ததாக இருக்க வேண்டும்). 

படம் 1 ஐப் பார்க்கவும்.

இதுதான் ஒப்பிட்டு என்று கொங்கு நாட்டிலும் போளி என்று மற்ற மாவட்டங்களிலும் அழைக்கப்படும் பழங்காலத்திலிருந்து பெயர் போன ஸ்வீட். 

இதை முறையாக சாப்பிடத் தேவையானவை, படம் 2 ல் பார்க்கவும்.

தேவையானவை:

ஒரு சம்புடத்தில் சுமாராக 30 ஒப்பிட்டு.

ஒரு சீப்பு பூவன் வாழப்பழம்.

ஒரு கிண்ணம் நெய்.

ஒரு தட்டு.

சாப்பிடும் முறை.

ரவுண்டு 1. (படம் 3)

தட்டில் கீழ்க்கண்டவைகளை எடுத்துக் கொள்ளவும்.

1.   இரண்டு ஒப்பிட்டுகள் – எந்த ஸ்வீட்டையும் ஒத்தையாக சாப்பிடக்கூடாது. அது மகாப்பாவம்.

2.   இரண்டு நன்கு பழுத்த, உரித்த பூவன் வாழைப்பழங்கள். ஏன் உரித்து வைக்க வேண்டும் என்றால் தமிழ் மரபு பிரகாரம் சாப்பிடும்போது இடது கையால் சாப்பிடும் பொருள் எதையும் தொடக்கூடாது.

3.   ஒரு கிண்ணத்தில் உருக வைத்து நன்கு சூடாக இருக்கும் நல்ல மணம் உள்ள பசு நெய். 

சாப்பிடும் முறை:

4.   இவைகளை கையால் ஒன்று சேர்த்து நன்றாகப் பிசையவும். ஐயே!!! என்று முகத்தைச் சுளிப்பவர்கள் அடுத்த பதிவுக்குப் போய்விடவும். மற்றவர்கள் தொடர்ந்து படிக்கவும். 

இப்போது படம் 4 ல் உள்ளது போல் இருக்கும். 

இதை ஒவ்வொரு கவளமாக எடுத்து வாயில் போட்டு சுவைத்து சாப்பிடவும். சாப்பிட்டு முடித்த பிறகு தட்டு படம் 5 ல் இருப்பது போல் இருக்கும். 

 

ஒரு மிடறு தண்ணீர் குடிக்கவும்.

பிறகு ரவுண்ட் 2 ஐ ஆரம்பிக்கலாம். ரவுண்டு 2, ரவுண்டு 1 ஐப் போலவேதான். 

இப்படியே 3, 4, 5, 6, …….. ரவுண்டுகளுக்குப் போகவும். எப்போது வாந்தி வரும் போல் தோன்றுகிறதோ அப்போது நிறுத்திவிடவும்.

இதுதான் கொங்கு நாட்டில் ஒப்பிட்டு சாப்பிடும் ஒழுங்கான பாரம்பரிய முறை.

பத்தியம்: மறுநாள் வயிற்று வலி வந்தால் (கட்டாயம் வரும்) பக்கத்து பெட்டிக்கடையில் “ஓமத்திராவகம்” என்று ஒரு மருந்து கிடைக்கும். அது ஒரு பாட்டில் வாங்கிக் கொண்டு வந்து ஒரு மணிக்கு ஒரு தடவை ஒரு அவுன்ஸ் சாப்பிடவும். இதில் நம்பிக்கை இல்லாதவர்கள் இங்கிலீஸ் மருந்துக் கடையில் “யூனிஎன்ஸைம்” என்று ஒரு மருந்து கிடைக்கும். அதை வாங்கி வேளைக்கு 2 மாத்திரை வீதம் மூன்று வேளை சாப்பிடவும்.  

அதிர்ஷ்டம் கதவைத் தட்டுகிறது?

எனக்கு 10 நிமிடம் முன்பு வந்த ஈமெயில் கடிதம். அதிர்ஷ்டம் எப்படியெல்லாம் கதவைத்தட்டுகிறது பார்த்தீர்களா?

Winning Alert Inbox X Reply | MICROSOFT NATIONAL show details 5:32 AM (2 hours ago) MICROSOFT NATIONAL LOTTERY HEADQUARTERS P O Box 1010 Liverpool, L70 1NL UNITED KINGDOM (Customer Services) PRIZE AWARD WINNER 2011 EDITION, We are pleased to inform you of the final announcement that you are one of our first quarter winners of the UNITED KINGDOM NATIONAL LOTTERY,international Lottery programs. The selection was made from the list of over 990,000 e-mail addresses of individual and corporate bodies picked by an advanced automated random computer search from the internet, no tickets were sold. After this automated computer ballot, your e-mail address emerged as one of three winners in the category "A" with the following winning informations: You have therefore been approved to claim a total sum of Seven hundred and fifty thousand pounds sterling. REF No: L/200-26937 BATCH No: 2007MJL-01 To file for your claim, Contact the processing Consultant: Dr.Pinkett Griffin TEL:+44-702-409-8381 Email: pinkettgraffin@kimo.com Do fill out the claims form to Dr.Pinkett Griffin in other to process the claims of your prize without delay. Payment Processing Form: 1.Full names:____________________ 2.Address:_______________________ 3.Sex:___________________________ 4.Age:___________________________ 5.Marital status:________________ 6.Occupation:____________________ 7.E-mail address:________________ 8.Telephone number:_________Fax__ 9.Country________________________ Sincerely, Mrs. Rose Wood

பல்லி பிடிக்கத் தெரியுமா?

இது என்ன புதுசா இருக்குன்னு நினைக்காதீங்க. ஒவ்வொரு குடும்பத் தலைவனும் தெரிந்து கொள்ளவேண்டிய கலை இது. எத்தனை வீட்டுல இல்லத்தரசிகள் இந்த அப்பாவிப் பிராணியைப் பார்த்துவிட்டு ஊரைக்கூட்டி இருக்கிறார்கள் என்று விசாரித்தால் தெரியும்.


இதற்குத் தேவையான  உபகரணங்கள் மிகவும் சாதாரணமானவை.

1. ஒரு 4 அங்குல விட்டம் கொண்ட பிளாஸ்டிக் கிண்ணம்,
2. ஆறு அங்குல அளவில் ஒரு சதுர அட்டை. ரொம்ப கெட்டியாக வேண்டாம்.
3. நிறைய மனோ தைரியம்.

படம் 1 ஐப் பார்க்கவும்.

                                                                       படம் 1

இவைகளைத் தயார் செய்த பிறகு வீட்டில் எங்காவது பல்லி இருக்கிறதா என்று பார்த்துக்கொண்டு இருக்கவும். தேவையானால் ஆணி புடுங்குவதை சில நாட்கள் தள்ளிப்போடவும். பல்லி வருவதை எளிதில் அறிந்து கொள்ளலாம். சமையல் அறையிலிருந்து திடீரென்று அமானுஷ்யமான அலறல் கேட்டால் பல்லி வந்து விட்டதை அறிந்து கொள்ளலாம்.

பல்லி சமையல் மேடையில் இருக்கும். ஏறக்குறைய படம் - 2 ல் இருக்கிற மாதிரி இருக்கும்.

 

படம் - 2

உங்கள் தளவாடங்களுடன் சமையலறைக்கு ஆஜராகவும். முதலில் உங்கள் துணைவியாரை ஜாக்கிரதையாக அப்புறப்படுத்தவும். பல்லியைப் பயப்படுத்தி விடவேண்டாம். பிறகு பல்லிக்கு மேல் நைஸாக பிளாஸ்டிக் கிண்ணத்தால் மூடவும். பல்லியின் வாலை நசுக்கி விடாதீர்கள். பல்லி வாலைத் துண்டித்துக்கொள்ளும். அப்புறம் வால் தனியாகத் துடித்துக் கொண்டு இருக்கும். அதை டீல் பண்ணுவது வேறு கலை. அதை அடுத்த வகுப்பில் சொல்லித்தருகிறேன். பார்க்கவும் படம் - 3.

 

படம் - 3

இப்போது பல்லி பிளாஸ்டிக் கிண்ணத்தின் உள்ளே சிக்கிக்கொண்டது. அதை எப்படி வெளியே எடுப்பது?  ஒரு கெட்டி அட்டை முதலில் எடுத்து வைத்தோமல்லவா, அந்த அட்டையை எடுத்து நைஸாக கிண்ணத்தின் அடியில் சொருகவும். பார்க்க படம் - 4.

அவ்வளவுதான். பிளாஸ்டிக் கிண்ணத்தை அட்டையுடன் சேர்த்து தூக்கி, திருப்பிக் கொள்ளவும்.

 படம்- 4

இப்போது பல்லி பிளாஸ்டிக் ஜெயிலில். இந்தப் பல்லியை இப்போது என்ன செய்வது?

பல options  இருக்கின்றன. அவைகளில் சில.

  1. வேண்டாதவர்கள் யாராவது இருந்தால் (கண்டிப்பாக இருப்பார்கள்) அவர்கள் தலையில் இந்தப் பல்லியைப் போடலாம். ஆனந்தபோதினி சர்வ முகூர்த்த பஞ்சாங்கத்தில் சொல்லியுள்ள பல்லி விழும் பலன்படி, தலை மேல் பல்லி விழுந்தால் உடனே மரணம் ஏற்படும். உங்கள் அத்யந்த நண்பர் எந்த விதமான நோய்நொடிகளும் இன்றி வைகுந்தப்ராப்தி அடைந்த புண்ணியம் உங்களுக்கு வந்து சேரும்.

2. அப்படி இல்லாமல் அவர் கொஞ்சம் கஷ்டப்பட்டுத்தான் வைகுண்டம் போகவேண்டுமென்று நீங்கள் நினைக்கும் பட்சத்தில் அந்தப் பல்லியை

அவர்கள் வீட்டில் சாம்பார் கொதிக்கும்போது நைஸாக உள்ளே போட்டுவிடவும். இதற்கு அசாத்திய மனோதைரியமும் பின்விளைவுகளை சந்திக்கும் பலமும் வேண்டும்.

3. இந்த இரண்டு வழிகளும் பிடிக்காதவர்கள் பல்லியை காத தூரத்திற்கு அப்பால் கொண்டு சென்று விடுவிக்கவும். எக்காரணம் கொண்டும் பல்லிக்கு எந்த விதமான தொல்லையும் கொடுத்து விடாதீர்கள். அப்படிச் செய்தால் நீங்கள் இறந்த பிறகு, கல்ப கோடி காலம் கொதிக்கும் எண்ணைக் கொப்பறையில் வதக்கப்படுவீர்கள். அப்படித்தான் கருட புராணம் சொல்கிறது.

படம் - 5

பல்லிகள் பல சமயம் சுவற்றில் இருக்கும். அப்போது படம் - 5 ல் காட்டியமாதிரி ஒரு பிளாஸ்டிக் பக்கெட்டை அந்தப் பல்லி இருக்கும் இடத்தின் கீழே வைத்துக்கொண்டு, பல்லியை ஒரு குச்சியினால் தட்டினால் பல்லி பக்கெட்டுக்குள் விழுந்து விடும். பக்கெட்டின் சைடுகள் வழவழப்பாக இருப்பதால் பல்லி வெளியில் தப்பி ஓடமுடியாது. பிறகு முன்னே சொல்லிய வழிகளில் பல்லியை dispose செய்யவும்.

நேர்முக வகுப்புகள் தேவைப்படுபவர்கள் ஆயிரம் ரூபாய்க்கு டிடி எடுத்து அனுப்பினால் ஏற்பாடு செய்யப்படும்.

ஒரு பிரபல பதிவரின் அன்றாட அலுவல்கள்

ஒரு பதிவு போட்டவுடன் செய்யவேண்டிய வேலைகள்.

 

1.   அந்தப் பதிவை எல்லா திரட்டிகளிலும் இணைப்பது.

2.   நண்பர்களுக்கெல்லாம் Facebook, Twitter, email மூலம் செய்தி அனுப்புவது.

3.   ஒரு மணிக்கு ஒரு தரம் டேஷ்போர்டை ஓப்பன் செய்து பின் கண்டவற்றை செக் செய்வது.

a.   பின்னூட்டங்கள்

b.   ஹிட் கவுன்டர்

c.   Followers

d.   பதிவான ஓட்டுக்கள்.

e.   அலெக்ஸா முதலான ரேட்டிங்குகள்.

4.   வந்த பின்னூட்டங்களுக்குப் பதில் போடுவது.


 

5.   பின்னூட்டம் போட்ட பதிவர்களின் பதிவுகளுக்குப் போய் அவர்களின் பதிவுகளுக்குப் பின்னூட்டம் போடுவது.

6.   அந்தப் பதிவுகளில் முன்பே followers  ஆக சேராவிடில் இப்பொழுது சேருவது.

7.   புது பதிவுகளைப் பார்த்து பின்னூட்டங்கள் போடுவது.

8.   அவரவர்கள் பதிவுகளுக்கு தினமும் ஓட்டுப்போடுவது.

9.   பல ID க்கள் ஏற்படுத்திக்கொண்டு அவைகளிலிருந்து பின்னூட்டம்
  போடுவது.

10. தொடர் பதிவுகளை ஆரம்பித்து அப்பாவி பதிவர்களைக் கோர்த்து விடுவது.

11. தொழில் நுட்பங்களை அவ்வப்போது புதிப்பித்துக்கொள்வது.

12. “பதிவு போட்டு ஒரு மணி நேரத்தில் 108 பின்னூட்டங்கள் வரவழைப்பது எப்படி?” என்று புத்தகம் எழுதுவது.

13. புதிய பதிவர்களுக்கு இலவச ஆலோசனைகள் வழங்குவது.

14. சக பதிவர்களைச் சந்திக்க தோதான ஓட்டல் பாருக்குப் போவது. 

இதில் ஏதாவது மூன்றை நீங்கள் செய்து கொண்டிருந்தால் நீங்கள் பிரபல பதிவர் ஆகி விட்டீர்கள் என்று அறியவும்.  

நானா, ஹி ஹி ஹி ஹி, என் சொந்த வாழ்க்கையில் மற்றவர்கள் தலையிடுவதை நான் விரும்புவதில்லை (ஓட்டல் பாரைத்தவிர்த்து).