ரொம்ப நாளாக ஒரு தகாத ஆசை. வயசுக்குத் தகுந்த ஆசைதான் வரணும். ஆனா யாருக்கு என்ன கெட்ட காலமோ தெரியல, இந்த மாதிரி ஒரு ஆசை வந்துடுச்சு. வயசான பிறகு எந்த ஆசை வந்தாலும் அதை உடனே தீத்துக்கணும்னு பெரியவங்க சொல்லியிருக்காங்க. அதனால உடனே செயல்ல இறங்கிட்டேனுங்க.
நம்ம பதிவுக்கு, ஏதோ வயசான பெரியவரு எழுதறாரேன்னு ஒரு பத்து பேர் கமென்ட் போடறாங்க. அதுவும் எப்படி? சின்னக்குழந்தைக்கு முட்டாயி கொடுக்கறாப்ல, நல்லாயிருக்கு, எழுதறத உட்டுடாதீங்க, இன்னும் எழுதுங்க, இப்படி. ஏதோ நான் எழுதறதுனாலதான் சூரியன் தினமும் கிழக்கே உதிச்சு மேற்கே அஸ்தமனமாகிறது போல ஒரு பில்டப் கொடுத்துடுவாங்க. நானும் இதுலயே கிறுகிறுத்துப்போயி எழுதிக் கிளிச்சு நூறு பதிவு போட்டுட்டேன். ஆனா மனசுக்குள்ள ஒரு ஆசை ரொம்ப நாளா இருந்துட்டிருக்குது. அதுதான் எப்படியாச்சும் ஒரு மொக்கைப்பதிவு போட்டு முன்னூறு பின்னூட்டம் வாங்கீடறதுன்னு முடிவோட இந்தப்பதிவை போடுகிறேன்.
யாரும் தயவு செய்து என் மேல் பொறாமையோ, கோபமோ அல்லது வருத்தமோ பட வேண்டாம் என்று தாழ்மையுடன் கேட்டுக் கொல்கிறேன்.
