மன அலைகள்: பதிவர் சந்திப்புகள்.

ஈரோட்டில் பதிவர் சந்திப்பு 2009. 2010, 2011 ஆகிய மூன்று வருடங்கள் மிக சிறப்பாக நடைபெற்றன. முதல் சந்திப்பிற்கு நான் போகவில்லை. அடுத்த இரண்டு சந்திப்புகளுக்கும் நான் சென்று வந்தேன்.

இதற்கு முன்பு சென்னைப் பதிவர்கள் மாதம் ஒரு முறை கடற்கரையில் சந்திப்பதை வழக்கமாகக் கொண்டிருந்தார்கள் என்று "டோண்டு ராகவன்" பதிவுகளிலிருந்து கேள்விப்பட்டிருக்கிறேன்.

2012 ம் ஆண்டு புலவர் திரு ராமானுஜம் ஐயா அவர்களின் முயற்சியில் ஒரு பதிவர் சந்திப்பு நடந்தது. இதுதான் முதல் பதிவர் சந்திப்பு என்று பலர் தவறாக எண்ணுக்கொண்டிருக்கிறார்கள். ஈரோட்டில் 2009 ம் ஆண்டே பதிவர் சந்திப்பு ஆரம்பித்து விட்டது.

திருநெல்வேலியில் உணவு ஆபீசர் முயற்சியில் ஒரு பதிவர் சந்திப்பு நிகழ்ந்தது. நான் கலந்து கொண்டேன். இதைப் பற்றிய என் பதிவை நாளை மீள்பதிவாகப் போடுகிறேன்.

2013ம் ஆண்டு சென்னையில் இரண்டாவத் தடவையாக பதிவர் சந்திப்பு நடந்தது. நான் கலந்து கொண்டேன்.

போன வருடம் மதுரையில் நடந்த பதிவர் சந்திப்பிற்கு நான் செய்த ரயில் டிக்கட் ரிசர்வேஷன் குளறுபடியால் போகவில்லை.

இந்த வருடம் புதுக்கோட்டைக்குப் போக எல்லா ஏற்பாடுகளும் செய்து விட்டேன்.

இப்போது நான் கலந்து கொண்ட ஈரோடு பதிவர்கள் சந்திப்பைப்பற்றிய என்னுடைய பதிவை இங்கு மீள் பதிவாகப் போடுகிறேன்.

ஈரோடு பதிவர் சங்கமம் 2011

பதிவர் சங்கமத்திற்கு போய்விட்டு இப்போதுதான் வீடு திரும்பினேன். (மாலை 4.30). இருநூறு பேருக்கு மேல் பதிவர்கள் மற்றும் இணைய ஆர்வலர்கள் வந்திருந்தார்கள். இணையத்தில் சீரிய முறையில் பணியாற்றிய பதினைந்து பதிவர்களை பரிசு கொடுத்து மேடையில் அமர்த்தி அவர்களுடைய சேவைகளைக் குறிப்பிட்டு பாராட்டினார்கள். திரு ஸ்டாலின் குணசேகரன் அவர்கள் தலைமை தாங்கி சிறப்பான தலைமையுரை ஆற்றினார்கள்.

நான் எடுத்த சில புகைப்படங்கள்.
(படங்களை கிளிக் செய்தால் பெரிதாகத் தெரியும்.)

கூட்டம் நடந்த ஹால்-